ជាតិ

រដ្ឋបាល​ខេត្តព្រះសីហនុ​យកប័ណ្ណ​កម្មសិទ្ធដែល​ងាប់តាំងពីឆ្នាំ ២០០២ ទៅហើយនោះ​ឲ្យរស់ឡើងវិញ​ ធ្វើ​ឲ្យ​ក្ដៅក្រហាយដល់​ប្រជាពលរដ្ឋ​ ដុតកង់ឡាន​ ស្វាគមន៍​ទាំងព្រឹក​

ខេត្តព្រះសីហនុ​៖ ប្រជាពលរដ្ឋ​រាប់រយ​នាក់​ ប្រដាប់​ដោយ​កង់ឡាន​ និង​កញ្ចុះ​ រុឺម៉ក​ បាន​ព្យាយាម​បិទផ្លូវ​និង​រារាំង​ដោយ​ការ​ដុត​កង់ឡាន​ ផ្សែងខ្មួលខ្មាញ់​ ខណៈ​ដែល​ក្រុមការងារ​គណៈ​បញ្ជាការ​ខេត្ត​ព្រះសីហនុ​ដឹកនាំ​ដោយ​លោក​ ផៃ​ ប៊ុនវណ្ណ: អភិបាល​រងខេត្ត​ សហការជាមួយកម្លាំងប៉ូលិស​ចុះដើម្បី​ធ្វើការ​វាស់វែង​ដី​មួយកន្លែង​ទៅ​ឲ្យ​លោក​ ជំទាវ​ ហុង​ ស៊ួន​
ដែល​ស្ថិតនៅ​ ខាងត្បូង​វត្ត​អូរត្រេះ​ ភូមិ​គគីរ​ ឃុំ​បិតត្រាំង​ ស្រុក​ព្រៃនប់​ ខេត្តព្រះសីហនុ​ នៅព្រឹក​ថ្ងៃទី​ ១៧ ខែ​មករា​ ឆ្នាំ​ ២០១៩។

គណៈ​បញ្ជាការ​ខេត្ត​ព្រះសីហនុ​ដឹកនាំ​ដោយ​ លោក​ ផៃ​ ប៊ុន​វណ្ណ​: អភិបាល​រងខេត្ត​បាន​ថ្លែងទៅ​កាន់​ពលរដ្ឋ​ថា​ វត្តមាន​របស់​លោក​ ដែល​ចុះមកនេះ​ដើម្បី​ វាស់វែង​ដី​ចំណុច​នេះ​ជូន​លោក​ជំទាវ​ ហុង​ ស៊ួន​ ហើយបើ​បងប្អូន​មាន​ដី​ប៉ុន្មាន​ទំហំ​ប៉ុន្មាន​គាត់​ដោះស្រាយ​ជូនបងប្អូន​។ ប៉ុន្តែ​ប្រសាសន៍​ទាំងនេះ​ ត្រូវ​បាន​ប្រជាពលរដ្ឋ​ចោទថា​ កំពុង​ចង់​បណ្ដេញ​ពួកគាត់​និង​វាស់វែង​ដី​គម្រប​ព្រៃឈើ​ អនុក្រឹត្យ​របស់​រដ្ឋ​ ដែល​ពលរដ្ឋ​កំពុង​រស់នៅជាក់ស្ដែង​ជាច្រើន​ឆ្នាំ​មកនេះ​ឲ្យ​ទៅ​បុគ្គល​អ្នកមាន​លុយ​និងមាន​អំណាច​មហាសាល​ម្នាក់នៅ​ខេត្ត​ព្រះសីហនុ​ គឺ​លោក​ ជំទាវ​ ហុង​ ស៊ួន​ និងឧកញ៉ា​ សុីវ គង់ទ្រីវ​ (ប្ដី​-ប្រពន្ធ)។

ប្រជាពលរដ្ឋ​កំពុង​តែ​ឆ្ងល់ថា​ ហេតុ​អ្វី​គាត់​រស់នៅ​លើដី​រដ្ឋ​នេះយូរឆ្នាំ​មកហើយ​ បែរជាដល់ដីឡើងថ្លៃ ​គណ:បញ្ជាការ​ខេត្ត​ លោក​ ផៃ​ ប៊ុន​វណ្ណ​: នាំ​កម្លាំង​ប៉ូលិស​មក​វាស់វែង​ដី​របស់​ពួកគាត់នេះ​ទៅឲ្យ​បុគ្គល​ម្នាក់​ ជំទាវ​ ហុងស៊ួន​? ខណៈ​ដីទាំង​នេះ​ជា​ដី​អនុក្រឹត្យ​ និង​គម្របព្រៃឈើ​ ឆ្នាំ​ ២០០២ បាន​និរាករណ៍​អស់​ទៅហើយ​ ដូច្នេះ​មាន​តែ​រដ្ឋបាល​ខេត្តព្រះសីហនុ​
យកប័ណ្ណ​កម្មសិទ្ធដែល​ងាប់តាំងពីឆ្នាំ ២០០២ ទៅហើយនេះ​ព្យាយាមឲ្យរស់ឡើងវិញ​ ដើម្បី​យកដី​ឲ្យ​ជំទាវ​តែម្នាក់​ ធ្វើឲ្យ​ប្រជាពលរដ្ឋ​រាប់រយនាក់​ ស្រែកយំ​រងភាព​អយុត្តិធម៌​បែបនេះ​..??។ ពួកគាត់​បាន​អំពាវនាវ​ទៅដល់​ថ្នាក់ដឹកនាំ​ សម្ដេច​ តេជោ​ ហ៊ុន​ សែន ជួយ​ដល់ពួកគាត់​ផង​។ ចំពោះ​បញ្ហា​នេះ​លោក​ ផៃ​ ប៊ុន​វណ្ណៈ​ ព័ត៌មានយើងមិនទាន់​អាច​សុំ​ការ​បំភ្លឺ​បន្ថែមបាននៅឡើយទេ(រង់ចាំ​ព័ត៌មាន​បន្ត​)​៕ ដោយ​៖ (អ៊ង​ នី​)

 

SHARE
RELATED POSTS
សន្និសិទ្ធកាសែតស្ដីពីសមិទ្ធិផលដែលរាជរដ្ឋាភិបាលបានកសាងកន្លងមក
ក្រុមអ្នកសារព័ត៌បានចុះទៅចែកទឹកប្រជាពលរដ្ឋដែលរស់នៅកន្លែងពុលទឹកនោះ
សម្តេចពិជ័យសេនា ទៀ បាញ់ បានដាក់ចេញនូវបទបញ្ជា ចំនួន៤ចំណុចសំខាន់ៗដល់កងកម្លាំង កងរាជអាវុធហត្ថ អនុវត្តឲ្យបាន នៅមុនពេល និងអំឡុងពេល នៃការបោះឆ្នោត

Leave Your Reply

*