សន្តិសុខ

ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ អញ្ជើញចុះសួរសុខទុក្ខ កងកំលាំងនៅទីបញ្ជាការវរសេនាតូចការពារព្រំដែកគោក៦០៣

ខេត្តតាកែវ៖ នៅព្រឹកថ្ងៃអាទិត្យ ១៣រោច ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៧ ខែតុលា ឆ្នាំ២០១៨ នៅទីបញ្ជាការវរៈសេនាតូចការពារព្រំដែនគោកលេខ៦០៣ ប្រចាំខេត្តតាកែវ ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល និងសាកសួរសុខទុក្ខកងកម្លាំងនគរបាលវរៈសេនាតូចការពារព្រំដែនគោកលេខ៦០៣ អមដំណើរដោយលោកឧត្តមសេនីយ៍ លោក លោកស្រីវរសេនីយ៍ ស្នងការរង លោកនាយ នាយរងការិយាល័យជំនាញពាក់ព័ន្ធ រីឯសមាសភាពចូលរួមមានៈ លោកមេបញ្ជាការ មេបញ្ជាការរង លោកអធិការ អធិការរងស្រុកជាប់ព្រំដែនទាំង០៤ ព្រមទាំងមន្ត្រីនគរបាលចំណុះវរៈសេនាតូចលេខ៦០៣ និងមន្រ្តីចំណុះអធិការដ្ឋានស្រុកជាប់ព្រំដែនទាំ០៤ សរុបចំនួន១៣១នាក់ ស្រី០២នាក់។

មានមតិសំណេះសំណាលនាឱកាសនោះដែរ ឯកឧត្តម ស្នងការ បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម អភិបាល នៃគណៈអភិបាលខេត្តតាកែវ ដែលលោកតែងតែយកចិត្តទុកដាក់គិតគូរពីសុខទុក្ខកងកម្លាំងជួរមុខ ដូចជាសាងសង់ជម្រក ស្នាក់នៅ ហូបចុក និងសុខភាពរបស់កងកម្លាំង ដើម្បីការពារបូរណៈភាពទឹកដីឱ្យបានគង់វង្ស។

ក្នុងឱកាសនោះដែរ ឯកឧត្តម ស្នងការ បាននាំយកអំណោយរបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ រួមមាន ៖ ថវិកាចំនួន៩.០០០.០០០រៀល (ប្រាំបួនលានរៀល) អង្ករចំនួន២០បាវ ស្មើនឹង១តោន មីម៉ាម៉ាចំនួន៥០កេស ទឹកត្រី១០យួរ ទឹកស៊ីអ៊ីវ១០យួរ ស្រាបៀរចំនួន៤០កេស ទឹកក្រូចចំនួន១០កេស នំធុងចំនួន៥ធុង និងតន្រ្តីសម័យ ដើម្បីប្រគល់ជូនវរៈសេនាតូចការពារព្រំដែនគោកលេខ៦០៣ ផងដែរ។

 

 

SHARE
RELATED POSTS
កំលាំងចម្រុះ បង្ក្រាប​គ្រឿងញៀន ឃាត់ខ្លួន​ជនសង្ស័យ​ ចំនួន៣នាក់
គ្រាប់អាវុធយុទ្ធភ័ណ្ឌមិនទាន់ផ្ទុះដែលសេសសល់ពីសង្ក្រាមដែលសមត្ថកិច្ចប៉ូលិសទទួលបានពីការរាយការណ៍របស់ប្រជាពលរដ្ឋស្រុកមេមត់ បានប្រគល់ទៅឲ្យស៊ីម៉ាក់ ( CMAC ) !
សូម​ប្រយ័ត្ន​ !! ខ្យល់កន្រ្ទាក់បោកបក់ទៅលើវិហារមួយកន្លែង គួរឲ្យ​ញញើត​..(វីដេអូ​)

Leave Your Reply

*