ភ្នំពេញ៖ បេីតាមប្រភពច្បាស់ការណ៍ បានប្រាប់អង្គភាពសារព័ត៌មានយើងថា ទីតាំងហ្គេមបាញ់ត្រីពីរទីតាំង នៅតាមបណ្ដាញផ្លូវ ១៧២ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ដែលមានម្ចាស់ឈ្មោះ យាយ គង់ ជាអ្នកបេីក ដេីម្បីបំរើសេវាល្បែងស៊ីសង ដល់ក្រុមអ្នកញៀនល្បែង មកពីគ្រប់មជ្ឈដ្ឋាន ។
ទីតាំងហ្គេមបាញ់ត្រីពីរកន្លែងខាងលេីនេះ សម្បូរក្រុមអ្នកញៀនល្បែង ក៏ដូចជាក្រុមជនសង្ស័យញៀនថ្នាំ នាំគ្នាមកពួនសម្ងំលាក់ខ្លួនប្រើប្រាស់ថ្នាំញៀនទៀតផង។
គួររំលឹកដែរថា នាពេលកន្លងមក ឯកឧត្តម ឧត្តមសេនីយ៍ឯក ស ថេត អគ្គស្នងការង និងជាស្នងការនគរបាលរាជធានីភ្នំពេញ បានប្រកាសក្ដែងៗថា ត្រូវតែលុបបំបាត់ឲ្យអស់ នូវល្បែងស៊ីសងទាំង១៤ខណ្ឌ។
សូមបញ្ជាក់ថា លោក ឃួង ស្រេង អភិបាលរាជធានីភ្នំពេញ បានណែនាំឲ្យកងកម្លាំងមានសមត្ថកិច្ចចំណុះឱ្យរដ្ឋបាលរាជធានីភ្នំពេញ និងអាជ្ញាធរខណ្ឌទាំង១៤ បន្តការពង្រឹងលើការបង្ក្រាបល្បែងស៊ីសងគ្រប់ប្រភេទនៅក្នុងមូលដ្ឋានរបស់ខ្លួនឲ្យបានម៉ឺងម៉ាត់បំផុត ដើម្បីការពារសន្តិសុខជូនប្រជាពលរដ្ឋនៅរាជធានីភ្នំពេញឱ្យបានល្អប្រសើរ។ ការជំរុញ និងការដាក់ចេញវិធានការថ្មីរបស់លោក ឃួង ស្រេង អភិបាលរាជធានីភ្នំពេញ និងជាប្រធានគណះបញ្ជាការឯកភាពរដ្ឋបាលរាជធានីភ្នំពេញនេះ បានធ្វើឡើងនាព្រឹកថ្ងៃទី០៥ ខែវិច្ឆិកា ឆ្នាំ២០២០ នៅក្នុងកិច្ចប្រជុំគណៈបញ្ជាការឯកភាពនៅសាលារាជធានីភ្នំពេញ៕
Discussion about this post