ការបរិច្ចាគថវិការក្នុងការប្រយុទ្ធប្រឆាំងជាមួយកូវីដ-១៩ របស់ឯកឧត្តម​ សួស​ កាណាន​ នឹង​លោកជំទាវ​

ខេត្តព្រះសីហនុ៖ ឯកឧត្តម​ សួស​ កាណាន​ នឹង​ លោកជំទាវ​ ទីប្រឹក្សាជាន់ខ្ពស់ នៃរដ្ឋសភាបានបរិច្ចាគថវិការចំនួន ២០០០ដុល្លារ(ពីរពាន់ដុល្លារ)ជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីចូលរួមក្នុងការទិញវ៉ាក់សាំងកូវីដ-១៩ បន្ទាប់ពីសម្តេចតេជោ បាន​ប្រកាស​ពីការ​ត្រៀមប​ម្រុង​ថវិកា​សម្រាប់​ទិញ​វ៉ាក់​សាំង​យក​មក​ចាក់​ជូនដល់បងប្អូនប្រជាពលរដ្ឋដោយឥតគិតថ្លៃ ក្នុងជំហានដំបូងគឺចំនួន ១លានដូស ដើម្បី​ចាក់​ជូនដល់បងប្អូនប្រជាពលរដ្ឋ​ប្រមាណ ​៥០​ម៉ឺន​នាក់។

ជាមួយគ្នានោះឯកឧត្តម​ សួស​ កាណាន​ ទីប្រឹក្សាជាន់ខ្ពស់ នៃរដ្ឋសភា ហើយក្នុងនោះផងដែរក្នុងការបរិច្ចាគថវិកាផ្ទាល់ខ្លួនរបស់ឯកឧត្តម បានធ្វើឲ្យមហាជនជាច្រើនស្ញប់ស្ញែងនិង​កោត​សរសើ​រ​ជាខ្លាំងក្នុងស្មារតីសាមគ្គីភាព វប្បធម៌នៃការចែករំលែកក្នុងការប្រយុទ្ធប្រឆាំងជាមួយកូវីដ-១៩ ហើយក្នុងនាមឯកឧត្តម តែងតែចូលរួមដោះស្រាយការលំបាកជាមួយរាជរដ្ឋាភិបាល រាល់​ពេល​រាជរដ្ឋាភិបាលមានការលំបាក ដូចជាការបរិច្ចាគទានជាដើម។

ហើយជាមួយគ្នានោះឯកឧត្តម សុំឱ្យក្រុមគ្រួសារបងប្អូនប្រជាពលរដ្ឋទាំងសអ់ ចូលរួមពីវិធីកាត់បន្ថយហានិភ័យពីការឆ្លងជំងឺកូវីដ-១៩ ដើម្បីពង្រឹងការទប់ស្កាត់ការចម្លងក្នុងសហគមន៍ លើកកម្ពស់ការផ្លាស់ប្តូទម្លាប់អនាម័យពីអវិជ្ជមាន ទៅវិជ្ជមាន ត្រូវបន្តជានិច្ចយកចិត្តទុកដាក់ខ្ពស់ និងត្រូវមានអនាម័យជាប្រចាំ ដោយលាងសំអាតដៃឱ្យបានញឹកញាប់ជាមួយសាប៊ូ ឬអាល់កុលហ្សែល ហើយប្រសិនបើចេញទៅទីសាធារណៈ ត្រូវពាក់ម៉ាស់ឬក្រមាឲ្យបានជាប់ជានិច្ច និងត្រូវអនុវត្តតាមការណែនាំរបស់ក្រសួងសុខាភិបាលឱ្យត្រឹមត្រូវផងដែរ៕