រថយន្តដឹកដីបើកបរលឿន និងមិនគ្របធ្វើឲ្យប៉ះពាល់យ៉ាងខ្លាំងដល់ប្រជាពលរដ្ឋ

ខេត្តពង់ឆ្នាំង៖ អាជីវកម្មជីកយកអាចម៌ដី នៅភូមិរមាស ចំណុចស្រែរលាំងត្រាច ជាប់ផ្លូវជាតិលេខ53 បើកបរលឿន ធ្វើឲ្យមានផលប៉ះពាល់យ៉ាងខ្លាំងដល់ប្រជាពលរដ្ធធ្វើដំដើរតាមដងផ្លូវ បើទោះជាមានការណែនាំពីមន្ត្រីជំនាញយ៉ាងណាក៏ដោយ ហាក់ដូចជាមិនគោរពតាមការណែនាំនោះសោះ។

សេចក្តីរាយការណ៍ពត៌មានពីបងប្អូនប្រជាពលរដ្ធរស់នៅ ភូមិរមាស បានប្រាប់ភ្នាក់ងារVD7 យើងឱ្យដឹងថា អាជីវកម្មដឹកជញ្ជូនដីលក់របស់លោក រ៉ុន មន្ត្រីជំនាញចុះធ្វើការអប់រំណែនាំជាច្រើនលើកមកហើយ តែគេមិនគោរពតាមគោលការច្បាប់ឡើយ។ ប្រភពពីប្រជាពលរដ្ឋដដែល បានលើកឡើងស្រដៀងៗគ្នាទៀតថា ជារៀងរាល់ថ្ងៃពួកគាត់តែងបានឃើញរថយន្តដឹកដីជាច្រើនគ្រឿង បើកបរឆ្លងកាត់ ផ្លូវជាតិលេខ៥៣ មិនមានការគ្របអោយបានត្រឹមត្រូវនោះទេ ធ្វើអោយដីជ្រុះរាយប៉ាយ លើផ្លូវ ធ្វើឲ្យផ្លូវកៅស៊ូប្រែក្លាយជាផ្លូវដី បណ្ដាលឲ្យហុយប៉ះពាល់ដល់សុខភាព ហុយចូកផ្ទះសំបែង និងមានមនុស្សឈឺជាបន្តបន្ទាប់ មិនត្រឹមតែប៉ុណ្ណោះ ធ្វើអោយពួកគាត់មានការព្រួយបារម្ភយ៉ាងខ្លាំងទៅលើសុវត្ថិភាពក្នុងការធ្វើដំណើរ ដោយសាររថយន្តដឹកដីនោះតែងតែបើកបរ មានល្បឿនលឿន។

ពាក់ព័នករណីខាងលើនេះលោក សូត្រ សង់ អភិបាលស្រុកទឹកផុសស្ដីទី មិនអាចទំនាក់ទំនងបានទេនៅថ្ងៃនេះ។

លោក អ៊ុស រស់ ប្រធានមន្ទីរ រ៉ែ និងថាមពលខេត្តកំពង់ឆ្នាំង បានប្រាប់អ្នកយកព័ត៌មាន VD7 យើងអោយដឹងនៅថ្ងៃទី២ ខែធ្នូ ឆ្នាំ២០២០កន្លងទៅថា ក្រុមមន្ត្រីរបស់លោក កំពុងឆែកមើលថា តើក្រុមធ្វើអាជីវកម្មដឹកដីលកទាំងនេះ នរណាមានច្បាប់ អ្នកណាអត់ច្បាប់ ហើយអ្នកមានច្បាប់នោះ ត្រូវតែនុវត្តន៍ច្បាប់ឲ្យបានត្រឹមត្រូវ។

បើទោះជាយ៉ាងណាប្រជាពលរដ្ឋ សូមសំណូមពរ ទៅអាជ្ញាធរជំញ ពិសេសឯកឧត្តមអភិបាលខេត្ត មេត្តា ចាត់វិធានការ អោយមន្ត្រីជំនាញពាក់ព័ន្ធមកជួយ ចុះអនុវត្តជាបន្ទាន់ ដើម្បីពិនិត្យមើលទីតាំងជីកដី កាយរណ្តៅដីរបស់លោក រ៉ុន ពីព្រោះការជីកយកអាចម៍ដីនេះ មានជំរៅកាន់ជ្រៅៗឡើងហើយទាន៕ ដោយ៖ រី ភារិទ្ធិ