ជនសង្ស័យ៣នាក់ត្រូវបានសមត្ថកិច្ចស្រុកស្វាយអន្ទរធ្វើការឃាត់ខ្លួន

ស្រុកស្វាយអន្ទរ៖ លោកវរសេនីយ៍ឯក អ៊ុង ផាន បានដឹកនាំកំលាំងជំនាញរួមសហការជាមួយកំលាំងប៉ុស្តិ៍រដ្ឋបាលស្វាយអន្ទេបានឃាត់ខ្លួនជនសង្ស័យចំនួន៣នាក់រួមជាមួយនឹងថ្នាំញៀនមួយចំនួន។

កិច្ចប្រតិបត្តិការនេះបានធ្វើឡើង
នៅថ្ងៃទី៣០ ខែមិថុនា ឆ្នាំ២០២០ វេលាម៉ោង១២នឹង១៤នាទីស្ថិតនៅចំណុចលើផ្លូវជាតិលេខ៨A ខាងត្បូងរង្វង់មូលស្វាយអន្ទរ បានធ្វើការឃាត់ខ្លួនជាក់ស្ដែងមុខសញ្ញាជួញដូរសារធាតុញៀនខុសច្បាប់ ១ នាក់ ឈ្មោះ ផា ស្រីលាក់ ភេទស្រី អាយុ ២៦ ឆ្នាំ នៅភូមិ -ឃុំ អាចារ្យលាក់ ស្រុក ស្ទឹងសែន ខេត្ត កំពង់ធំ ក្នុងនោះដែរបានធ្វើការឆែកឆេររកឃើញ ថ្មាំញៀន ប្រភេទបេតំហ្វេតាមីន (យ៉ាមា) ចំនួន ៥០ គ្រាប់ ហើយបានបន្តធ្វើការស្រាវជ្រាវរកមុខសញ្ញាដែលពាក់ពន្ធឃាត់ខ្លួនបាន ២ នាក់ បន្តទៀត។

១~ ឈ្មោះ ពា ចិត្ត ភេទប្រុស អាយុ ៤៣ ឆ្នាំ នៅភូមិ ពោធិចិន្ដាំ ឃុំ ស្វាយអន្ទរ
២~ ឈ្មោះ សួន សុភាក់ ភេទប្រុស អាយុ ៣២ ឆ្នាំ នៅភូមិ ថ្លាវ ឃុំស្វាយអន្ទរ ។
ក្នុងចំណោមពីរនាក់នេះសមត្ថកិច្ចបានឆែកឆេរកឃើញ ម្សៅក្រាមពណ៌សថ្លា ចំនួន២ កញ្ចប់ ថែមទៀត ។

បច្ចុប្បន្ននេះជនសង្ស័យទាំង ៣ នាក់បានបញ្ជូនទៅស្នងការដ្ឋាននគរបាលខេត្ត ព្រែវែង ដើម្បីអនុវត្តតាមនិតិវិធីច្បាប់។

គួររំលឹកផងដែរថាកន្លងមកលោក វរសេនីយ៍ឯក អ៊ុង ផាន អធិការនគរបាលស្រុកស្វាយអន្ទរតែងតែយកចិត្តទុក្ខដាក់ចំពោះសុខទុក្ខជូនដល់ប្រជាពលរដ្ឋគ្រប់ពេលវេលាជាពិសេសបង្ក្រាបរាល់បទល្មើសផ្សេងៗដែលកើតមានបានទាន់ពេលវេលានឹងតែងតែអនុវត្តន៍តាមគោល នយោបាយភូមិឃុំមានសុវត្ថិភាពទាំង៩ចំណុចរបស់ក្រសួងមហាផ្ទៃ៕