គ្រោះថ្នាក់ចរាចរណ៍មួយរវាងគោយន្តកែឆ្នៃដឹកដីនឹងម៉ូតូរហូតដល់ពេលនេះនៅមិនទាន់ដោះស្រាយរួចរាល់នៅឡើយ

ខេត្តព្រៃវែង៖ ករណីគ្រោះថ្នាក់ចរាចរណ៍មួយរវាងគោយន្តកែឆ្នៃដឹកដីបុកជាមួយនឹងម៉ូតូដែលមានស្ត្រីម្នាក់នឹងក្មេងស្រីអាយុ៧ឆ្នាំម្នាក់ឌុបគ្នាដែលបណ្តាលអោយមនុស្សស្រីទាងពីនាក់នោះរងរបួសធ្ងន់បាក់ជើងពីកំណាត់ត្រូវបានដឹកយកទៅព្យាបាលនៅមន្ទីរពេទ្យកាល់ម៉ែត។

ដែលហេតុការណ៍នេះបានកើតឡើងតាំងពីថ្ងៃទី២០ ខែមិថុនា ឆ្នាំ២០២០ វេលាម៉ោង១១ព្រឹកត្រង់ចំណុចរង្វង់មូលយាយទូលកណ្តាប់ស្រូវនៅកំណាត់ផ្លូវជាតិលេខ១១រហូតមកដល់ថ្ងៃទី២៧ ខែមិថុនា ឆ្នាំ២០២០នេះនៅមិនដោះស្រាយរួចរាល់នៅឡើយទេខណ:ពេលដែលភាគីទាំងសងខាងនិយាយចចារមិនត្រូវគ្នាដោយភាគីខាងម៉ូតូទាមទារសំណងចំនួន៣០០០ដុល្លាតែភាគីខាងគោយន្តកែឆ្នៃដឹកដីមិនមានលិទ្ធិភាពសងទៅតាមអ្វីដែលភាគីខាងម៉ូតូចង់បាននោះទេ។

បន្ទាប់ពីនិយាយចចារមិនត្រូវគ្នាមិនទាន់បានប៉ុន្មានផងក៏ស្រាប់តែលិចឮប្រភពព័ត៌មានមកថាភាគីខាងម៉ូតូបានទូរស័ព្ទទៅភាគីខាងគោយន្តកែឆ្នៃដែលមានម្ចាស់ឈ្មោះ ហេង សៅ តែពេលទូរស័ព្ទទៅក៏ជួបប្រពន្ធរបស់គាត់ពេលនោះប្រពន្ធលោក ហេង សៅ បាននិយាយថាភាគីខាងម៉ូតូបាននិយាយគំរាមថាបើមិនព្រមសងជាសំណងចំនួន៣០០០ដុល្លាទេនោះគាត់នឹងបើកបុកអោយស្លាប់វិញហើយនឹងបានបន្តថាពេលនោះរូបគាត់មានការភ័យខ្លាចណាស់គ្រាន់តែឮបែបនេះ ហើយភាគីខាងគោយន្តកែឆ្នៃក៏បានបន្តទៀតថាបើគាត់មិនព្រមសងចំនួន៣០០០ដុល្លាទេនោះនឹងអាចបន្តឡើងដល់៥០០០ដុល្លាឬក៏៧០០០ដុល្លាបានព្រមនេះបើសិនជារឿងនេះឡើងដល់តុលាការ។

ចំណែកភាគីខាងម៉ូតូដែលមានឈ្មោះ ឈិន សុខហៃ ដែលត្រូវជាឪពុកនឹងជាបង ជាអ្នកដំណាងអោយភាគីខាងម៉ូតូក៏បានផ្តល់បទសម្ភាសន៍ដល់សារព័ត៌មាន VD7 NEWS ដឹងដែរថាលោកសូមច្រានចោលរាល់ការចោទប្រកាន់របស់ភាគីខាងគោយន្តកែឆ្នៃទាំងស្រុងថារូបលោកមិនបាននិយាយគំរាមដូចអ្វីដែលភាគីខាងគោយន្តកែឆ្នៃនោះលើកឡើងនោះទេគឺលោកគ្រាន់តែនិយាយថាបើសិនជា៣០០០ដុល្លាមិនព្រមមានតែបញ្ជូនទៅថ្នាក់លើបន្តទៅទៀតឬបើដល់តុលាការគឺគាត់មិនយកប៉ុហ្នឹងទេព្រោះថាខាងគាត់រងរបួសធ្ងន់ដែលការចំណាយក្នុងការព្យាបាលរហូតដល់ពេលនេះអស់៤០០០ដុល្លាទៅហើយចំពោះថាគាត់ខលទូរស័ព្ទទៅគំរាមបុកសម្លាប់វិញនោះក៏គាត់មិនបាននិយាយដែរកុំថាឡើយនៅកន្លែងអធិការក្រុងព្រៃវែងក៏គាត់មិនបាននិយាយដែរ តើភាគីខាងគោយន្តកែឆ្នៃបានពាក្យនេះមកពីណាបានជាមកនិយាយមូលបង្កាច់គាត់បែបនេះ។

ចំណែកឯលោក នុត ប៊ុនឌិន អធិការក្រុងព្រៃវែងក៏បានផ្តល់បទសម្ភាសន៍អោយ VD7 NEWS ដឹងដែរថាចំពោះករណីនេះគាត់ក៏មិនបានឮថាភាគីខាងម៉ូតូនិយាយគំរាមអ្វីដែរនៅកន្លែងដែលគាត់ហៅអោយមកសម្របសម្រួលគ្នានេះតែបើនិយាយនៅកន្លែងណាផ្សេងក៏គាត់មិនដឹងដែរតែជាក់ស្តែងពេលគាត់ហៅអោយភាគីទាំងសងខាងមកសម្រួលគ្នាគឺគាត់មិនបានឮនិយាយអីទេ លោក នុត ប៊ុនឌិន ក៏បានបន្តទៀតថាធម្មតាទេអោយតែមានរឿងគឺភាគីទាំងសងខាងតែងតែប្រកែកយកត្រូវរាងខ្លួនហើយចំពោះរូបលោកជាសមត្ថកិច្ចក៏មិនមានសិទ្ធិកាត់ក្តីអោយខាងណាឈ្នះខាងណាចាញ់បានទេគឺគាត់មានសិទ្ធិក្នុងការសម្របសម្រួលនឹងសរសេររបាយការណ៍ដើម្បីបញ្ជូនបន្តតែប៉ុណ្ណោះគឺមានតែតុលាការទេដែលមានសិទ្ធិកាត់ក្តីអោយចាញ់ឈ្នះបាន។

ដូច្នេះជុំវិញករណីខាងលើនេះខាងសារព័ត៌មានយើងខ្ញុំក៏មិនមានសិទ្ធិអ្វីក្រៅពីរការ ផ្សព្វផ្សាយជូនដល់មហាជនបានជ្រាបច្បាស់តែប៉ុណ្ណោះចំពោះបញ្ហាដែលទាក់ទងទៅនឹងនិតិវិធីច្បាប់គឺទុកតួនាទីនេះជូនទៅខាងសមត្ថកិច្ចចាត់ការបន្តទៅចុះ៕ ដោយ៖ សូ សុខា