ខេត្តព្រះសីហនុ៖ ការចុះពិនិត្យដីទំនាស់ដឹកនាំដោយលោក លៀម សុដា អភិបាលរងខេត្តនិងមន្ត្រីពាក់ព័ន្ធក្នុងខេត្ត មានភូមិ មានសង្កាត់ បានធ្វើការសិក្សាជាថ្មីឡើងវិញម្ដងទៀត ពីបញ្ហាដីធ្លីនៅតំបន់(អូរអារេវ) ភូមិ២ សង្កាត់លេខ១ ក្រុងព្រះសីហនុ កាលពីម៉ោង៨ព្រឹកថ្ងៃទី១៦ ខែមិនា ឆ្នាំ ២០២០។ ពលរដ្ឋ និងមន្ត្រីពាក់ព័ន្ធក្នុងមូលដ្ឋានមើលឃើញថា ខុសពីសជណរបស់រដ្ឋបាលខេត្ត ក្នុងនោះលោក លៀម សុដា បានពិនិត្យនិងតម្រូវឲ្យស្រង់ឈ្មោះពលរដ្ឋដែលមានដីនៅក្នុងទីតាំងទំនាស់រួមមានទំហំជាង១ហិកតារ រវាងពលរដ្ឋ ១៨គ្រួសារ និង លោក គិត ប៊ុន លោកស្រី ឡឹក លក្ខិណា (ប្ដីប្រពន្ធ)។
បើយោងតាមលិខិតលេខ ០៤៤/២០ សជណ ចុះថ្ងៃទី ២៦ ខែកុម្ភៈ ឆ្នាំ ២០២០ ដែលមានខឹមសារថា៖ (ជម្រាបមក
លោក គិត ប៊ុន និងលោកស្រី ឡឹក លក្ខិណា (ប្ដី/ប្រពន្ធ) ជុំវិញករណីនេះ រដ្ឋបាលខេត្តព្រះសីហនុ ស្នើឱ្យ លោក និងលោកស្រី ត្រូវផ្អាកការ សាងសង់ និងត្រូវរុះរើសំណង់ព្រមទាំងការ្យទាំងឡាយចេញពីលើទីតាំងដីដូចបានបញ្ជាក់ក្នុងកម្មវត្ថុ ខាងលើក្នុងរយៈពេលមួយសប្តាហ៍ចាប់ពីថ្ងៃជូនដំណឹងនេះតទៅ។
បើតាមប្រភពពីមន្ត្រីក្នុងខេត្តនិងប្រជាពលរដ្ឋបានលើកឡើងថា សជណ ឬ សេចក្ដីជូនដំណឹង តម្រូវឲ្យលោក គិត ប៊ុន លោកស្រី ឡឹក លក្ខិណា (ប្ដីប្រពន្ធ) រុះរើសំណង់ក្នុងរយៈពេលមួយសប្ដាហ៍ ថ្ងៃផុតឱសានវាទបានមកដល់បែរជា អភិបាលរងខេត្តលោក លៀម សុដា ដឹកនាំក្រុមការងារខេត្តមកស្រង់ស្ថិតិសារជាថ្មី លើដីបម្រុងរបស់ខេត្តនិងដីប្រជាពលរដ្ឋ ១៨ គ្រួសារទៅវិញ រឿងនេះបានធ្វើឲ្យមានការមិនសប្បាយចិត្តជាខ្លាំងរបស់ប្រជាពលរដ្ឋក៏ដូចជាមន្ត្រីអនុវត្តច្បាប់ក្រោមឱវាទក្នុងមូលដ្ឋានផងដែរ។
បើតាមលោកស្រី មុំ សុផន មេភូមិ២ បានប្រាប់សារព័ត៌មានយើងតាមទូរស័ព្ទថា កាលដែលសង្កាត់ឲ្យរូបគាត់យកសេចក្ដីប្រកាសទៅបិទនៅជញ្ជាំងឃ្លាំងលោក គិត ប៊ុន លោកស្រី ឡឹក លក្ខិណានោះ រហូតមកដល់ពេលនេះប្រហែលជាជាង ២សប្ដាហ៍ហើយ មិនទាន់ឃើញចុះមកអនុវត្តនោះទេ។ លោកស្រីមេភូមិបន្តថា ម្សិលមិញថ្ងៃទី ១៦មិនា មានខាងខេត្តចុះស្រង់ឈ្មោះពលរដ្ឋ ១៨គ្រួសារ លោកស្រីលើកឡើងថា (ធ្វើការថយក្រោយទៅវិញ លោកស្រីអត់យល់ទេ??) លោកស្រីបញ្ជាក់ថា សេចក្ដីជូនដំណឹងឲ្យលោក គិត ប៊ុន លោកស្រី ឡឹក លក្ខិណា រុះរើសំណង់ ស្រាប់តែម្សិលមិញបែរជា ទៅពិនិត្យទីតាំងដីនិងឲ្យពលរដ្ឋ ១៨ គ្រួសារថតពិនិត្យអត្តសញ្ញាណប័ណ្ណឡើងវិញ។ លោកស្រីមានចម្ងល់ថា ចុះចំណាររបស់ឯកឧត្ដម គួច រើន ទៅណាទៅ??។ លោកស្រីពន្យល់ថា ក្នុងដីទំហំ ១ហិកតារកន្លះ ជាចំណាររបស់លោក ម៉ម ឈៀង ហើយ ប្រជាពលរដ្ឋ១៨ គ្រួសារក៏នៅក្នុងដីនោះដែរ បើដោះស្រាយឲ្យលោកម៉ម ឈៀងហើយគឺដូចជាដោះស្រាយជូនពលរដ្ឋ ១៨ គ្រួសារ អញ្ចឹងដែរ។
បើតាមប្រសាសន៍លោក ឈិត សសុផាត ចៅសង្កាត់លេខ១ បានឲ្យដឹងថា លោកគោរពតាមគោលការណ៍របស់ខេត្ត បញ្ហានេះដល់តែឯកឧត្ដម អភិបាលខេត្តរៀបចំគណ:កម្មការមួយដើម្បីចុះមកអនុវត្តនៅសេចក្ដីជូនដំណឹងហ្នឹងទើបបាន។ លោកបន្តថា អភិបាលរងខេត្តបានចុះមក ប៉ុន្តែបើគាត់រៀបចំបែបហ្នឹងលោកមិនដឹងដែរមិនដឹងគាត់គិតយ៉ាងមិច? ខ្ញុំអត់យល់?? លោកនឹកស្មានថា ការចុះមកនេះគឺអនុវត្តសេចក្ដីជូនដំណឹង ស្រាប់តែអញ្ចឹងលោកមិនដឹងនិយាយយ៉ាងមិច លោកកំពុងតែឆ្ងល់ដែរ? សូមទូរស័ព្ទសួរគាត់ផ្ទាល់ទៅចុះ។
បើតាមប្រសាសន៍ឆ្លើយតបតាម Telegrem របស់លោក លៀម សុដា អភិបាលរងខេត្តយ៉ាងខ្លីថា (ទីចាត់ការអន្តរវិស័យកំពុងដំណើរនីតិវិធីបន្ត)។ ក្នុងនោះប្រសាសន៍ឆ្លើយតបរបស់ ឯកឧត្ដម គួច ចំរើន អភិបាល នៃគណៈអភិបាលខេត្តព្រះសីហនុក៏មិនខុសគ្នានោះដែរ ឯកឧត្ដមថា (ទុកអោយសមត្ថកិច្ចដោះស្រាយសិន)។
ជុំវិញបញ្ហានេះមានការវិវត្តន៍បន្តយ៉ាងណានោះ សារព័ត៌មានយើងនិងតាមដានផ្សាយជូនមហាជនចំពោះការអនុវត្តច្បាប់ប្រកបដោយតម្លាភាព ពាក់ព័ន្ធនិងដីធ្លីនៅចំណុចនេះ ឆ្លើយតបនិងចម្ងល់របស់ប្រជាពលរដ្ឋ ដែលឆ្ងល់ថា ប័ណ្ណសម្គាល់សិទ្ធដីលេខ A1- 911 ចុះថ្ងៃទី២៧ ខែធ្នូ ឆ្នាំ១៩៩៣ ត្រូវបាននិរាករណ៍តាមលិខិតលេខ ១០៣៩ សជណ.កស ចុះថ្ងៃទី០២ ខែសីហា ឆ្នាំ១៩៩៩ របស់ទីស្តីការគណៈរដ្ឋមន្ត្រីទៅហើយ បែរជាអាចយកមកប្តឹងផ្តល់ឡើងវិញនោះ ពលរដ្ឋនៅតែមានការហួសចិត្តខ្លាំងណាស់៕ ដោយ៖(អ៊ង នី)
Discussion about this post